Снимање и промоција на подкаст серијал „Во Фокус“ за подигање на јавната свест за европската интеграција

Јавни дебати и подкаст епизоди за европските интеграции – во фокусот на јавноста

Како дел од активностите насочени кон зголемување на информираноста за европските интеграции и нивното локално значење, Центарот за истражување и анализи НОВУС успешно реализираше пет јавни дебати во формат на подкаст, со учество на релевантни експерти од различни области.

Целта на оваа иницијатива беше да се обезбеди достапно, јасно и ангажирачко објаснување на значењето на европските процеси преку разговори со стручни лица, кои понудија различни агли на темите, поврзани со демократијата, животната средина, безбедноста, младинското учество и медиумите.

Подкастот опфати пет епизоди, со следниве гости:

• Бојан Кордалов, експерт за комуникации – објавено на 15.11.2024
• Александар Илиев, консултант за политика и безбедност – објавено на 04.12.2024
• Арта Ќерими, еко-активист од ГО „ГО ГРИН“ – објавено на 17.12.2024
• Адреја Стојковски, извршен директор на ПРЕСПА Институт – објавено на 15.01.2025
• Александар Николовски, претседавач на Националното студентско тело – објавено на 23.01.2025

Во реализацијата беа вклучени модератор, видеограф и комуникациски тим, со цел да се обезбеди професионален и визуелно привлечен продукт.

Објавување и досег:

Сите епизоди беа објавени на посебен Јутјуб канал:
🔗 ВО Фокус – YouTube канал

Промоцијата се реализираше преку социјалните мрежи на НОВУС и Медија Флеш, а беа креирани и кратки видеа (reels) кои дополнително беа споделувани од самите гости, модераторот и следбениците.

Постигнат ефект:

Во период од три месеци, содржините достигнаа над 200.000 гледачи преку сите дигитални канали, при што најголем досег постигнаа токму кратките видеа, што укажува на релевантноста, достапноста и атрактивноста на форматот.

Оваа активност постигна клучна цел: да ги приближи комплексните теми поврзани со ЕУ интеграцијата до граѓаните, на разбирлив, интерактивен и модерен начин, поттикнувајќи отворена дебата и повисока свест за важноста на овие процеси во локалниот контекст.