Средба за презентација на Повик за доделување грантови на граѓански организации

Се одржа средба со претставници од Општина Струмица кои официјално се приклучија кон Платформата за инвестиции во заедницата. На средбата беше презентиран Повикот за доделување грантови на граѓански организации, чија цел е преку механизам на ре-грантирање да се поттикне и поддржи ангажманот на локалните граѓански и грас-рут организации во спроведување на проекти од значење за заедницата.

Во рамки на презентацијата беа нагласени приоритетите за поддршка на иницијативи кои активно ги вклучуваат младите и жените во процесите на донесување одлуки, како и оние што придонесуваат за унапредување на нивната социо-економска положба. Предвидено е вкупно 14 организации да добијат финансиска поддршка во две фази – во првата фаза, реализирана во 2022 година, беа поддржани 7 иницијативи, додека во втората фаза во 2023 година беа поддржани дополнителни 7.