Зајакнување на младите и младинските совети во Струмица и Босилово

Времетраење : 5 месеци ( 20.08.2024 – 31.12.2024 )

Донатор:  Фондацијата за демократија на Вестминстер (WFD)

Цел: Да се зајакне учеството на младите во процесите на локално одлучување во општините Струмица и Босилово преку градење на капацитетите на локалните младински совети и нивно поврзување со локалната самоуправа.

Специфични Цели на проектот:

• Да се идентификуваат и документираат специфичните потреби и предизвици со кои се соочуваат младите во урбани и рурални средини (Струмица и Босилово).
• Да се подобрат вештините на младинските совети во областа на идентификување на потреби, планирање, пишување предлози, застапување и лобирање.
• Да се создадат можности за директна комуникација и соработка помеѓу младинските совети и општинските власти.
• Да се спроведат мали иницијативи кои ги адресираат приоритетните прашања идентификувани од младите во двете општини.
• Да се промовира транспарентност, отчетност и континуитет на младинското учество преку завршен настан и препораки кон општините.

Целна група и корисници на проектот?

• Членови на локалните младински совети на општините Струмица и Босилово.
• Активни млади лица на возраст од 15 до 29 години кои сакаат да се вклучат во процеси на одлучување.

Директни Корисници од проектот:

• Припадници на младинските совети кои ќе посетуваат работилници и активно ќе учествуваат во сите проектни активности.
• Двајца ангажирани интервјуери и еден експерт за анализа на потребите и креирање методологија за анкета.
• Претставници од општините кои ќе учествуваат на состаноци и финалниот настан.

Индиректни корисници од проектот:

• Младите од општините Струмица и Босилово кои ќе имаат корист од иницијативите и подобрените капацитети на младинските совети.
• Локалната заедница, преку подобрени услуги, младински простори и иницијативи.
• Општинските власти преку добивање јасна слика за младинските приоритети и подобрена соработка со младинските тела.
• Граѓанскиот сектор и други младински организации кои ќе можат да го искористат моделот за своја примена.