ЈАВЕН ПОВИК за ангажирање на надворешни експерти

Центарот за истражување и анализи НОВУС – Струмица објавува Јавен повик за ангажирање на надворешни експерти за спроведување едукативни активности и обезбедување психолошка поддршка во областа на борбата против говорот на омраза и дискриминацијата.

Овој јавен повик се објавува во рамки на проектот „Борба против омразата и нетолеранцијата“, дел од заедничката програма на ЕУ и Совет на Европа.

Ангажманот е поврзан со спроведување на Обуки за јакнење на капацитетите на граѓанските организации преку обука за препознавање, спречување, пријавување и справување со говор на омраза, како и обезбедување соодветна поддршка на лица таргетирани од говор на омраза и дискриминација.

• ЦЕЛ НА АНГАЖМАНОТ

Целта на ангажманот е обезбедување стручна и професионална поддршка преку:

· спроведување едукативни обуки за говор на омраза, негово препознавање, правна рамка, механизми за мониторинг и пријавување, и

· јакнење на капацитетите на граѓанските организации за обезбедување психолошка, жртво-ориентирана и етички одговорна поддршка на лица изложени на говор на омраза,

со цел воспоставување поефикасен, координиран и одржлив одговор на говорот на омраза на локално и национално ниво.

• ПОЗИЦИИ ОПФАТЕНИ СО ЈАВНИОТ ПОВИК

1. Експерт за едукација во областа на говор на омраза

Работни задачи:

· Подготовка на програма и едукативни материјали за обука;

· Спроведување дводневна обука за претставници на граѓански организации;

· Презентација на правната рамка, националните и европските стандарди за борба против говор на омраза;

· Обука за мониторинг, документирање и пријавување случаи на говор на омраза;

· Поддршка на учесниците во разбирање на улогата на граѓанските организации во превенција и застапување.

• Потребни квалификации:

· Завршено високо образование (право, политички науки, социологија, човекови права или сродна област);

· Најмалку 5 години релевантно професионално искуство;

· Искуство во спроведување обуки и работа со граѓански организации;

· Познавање на антидискриминациски политики и механизми;

· Одлични комуникациски и презентациски вештини.

2. Експерт за обезбедување психолошка поддршка на лица таргетирани од говор на омраза

Работни задачи:

· Подготовка и спроведување модул за психолошка поддршка на жртви на говор на омраза;

· Обука на претставници на граѓански организации за пристап насочен кон жртвата;

· Работа на теми поврзани со траума, секундарна виктимизација и психолошки последици од говор на омраза;

· Давање практични насоки за поддршка, упатување и соработка со институции;

· Почитување на принципите на доверливост и професионална етика.

• Потребни квалификации:

· Завршено високо образование по психологија или сродна област;

· Соодветна лиценца за работа (доколку е применливо);

· Најмалку 5 години искуство во работа со ранливи групи;

· Искуство во психо-едукативни обуки;

· Високо ниво на етичка чувствителност и професионална одговорност.

• ВРЕМЕТРАЕЊЕ НА АНГАЖМАНОТ

· Времетраење: 2 работни дена (обука), со вклучена подготовка на материјали

· Период на реализација: Јануари.

• НАЧИН НА АНГАЖИРАЊЕ

Ангажманот ќе се реализира преку договор за ангажирање на надворешен експерт, во согласност со интерните процедури на организацијата и правилата на донаторот.

• ПОТРЕБНИ ДОКУМЕНТИ ЗА АПЛИЦИРАЊЕ

Заинтересираните кандидати треба да достават:

1. Кратка биографија (CV);

2. Мотивациско писмо;

• РОК И НАЧИН НА ПРИЈАВУВАЊЕ

Рок за пријавување: 22.12.2025

Електронска адреса: contact@associationnovus.org

Во насловот на пораката да се наведе:„Апликација за експерт – едукација за говор на омраза“ или „Апликација за експерт – психолошка поддршка“

• ИЗБОР НА КАНДИДАТ

Изборот ќе се изврши врз основа на:

· релевантност на искуството,

· усогласеност со целите на проектот,

· почитување на принципите на еднаквост и недискриминација.

Аплицирај