ЈАВЕН ПОВИК ЗА МЛАДИ за учество во програма за кариерен развој

Центар за истражување и анализи НОВУС објавува Јавен Повик за учество на млади лица во програма за кариерен развој, која вклучува индивидуални сесии со кариерен советник.

За проектот

Проектот „Струмица Младинска Иницијатива 2.0“ има за цел да ги поддржи и зајакне младите луѓе преку унапредување на нивните лични и професионални капацитети, развој на вештини и поттикнување на нивно активно учество во општеството.

Посебен фокус е ставен на младите со помалку можности, младите од рурални средини, како и на оние кои се соочуваат со предизвици при пристап до образование и вработување.

Преку проектните активности се обезбедува персонализирана поддршка за младите, со цел да се унапреди нивната самодоверба, да се поттикне нивниот личен развој и да се олесни нивниот пристап до можности за вработување и активно учество во заедницата.

За повикот

Во рамки на проектот се објавува јавен повик за учество во индивидуални сесии, кои ќе се реализираат во период од 3 месеци (април – јуни 2026та год).

Преку овој повик ќе бидат избрани 10 млади лица, според следниве критериуми:
-млади кои не се вработени и во образовен процес (NEETs)
-млади од рурални средини
-млади со помалку можности

Избраните учесници ќе имаат можност да работат индивидуално со кариерен советник, при што бројот и динамиката на сесиите ќе се прилагодуваат според потребите на секој учесник.

Што ќе добијат учесниците

• индивидуални сесии (1-на-1)
• поддршка за развој на лични и -професионални вештини
• помош при дефинирање кариерни цели
• унапредување на самодовербата
• насочување кон можности за вработување и личен развој

Кој може да аплицира

• млади на возраст од 15-29 години
• млади од Струмица и струмичкиот регион
• млади лица мотивирани за личен и кариерен развој
• лица подготвени за активно учество во индивидуалните сесии

Начин на аплицирање

Заинтересираните кандидати можат да се пријават преку:

• https://forms.gle/Sps8chV5Z9oXY6Hd7

Рок за пријавување: 20 Април, 2026год ( Понеделник )

Дополнителни информации

Учеството во програмата е бесплатно.
Само селектираните кандидати ќе бидат контактирани.

Овој проект е кофинансиран од Европската Унија, во рамките на Младинскиот Хаб за мрежата на Западен Балкан и Турција (YouthHub WB&T)

Аплицирај