Марија Бандулова Тасева

Марија Бандулова Тасева е магистриран политиколог, специјализиран во меѓународна политика и дипломатија. Таа има стекнато бројни меѓународни дипломи и усовршување на тема „Модернизација на јавната администрација“ при Правниот Универзитет во Валенсија, Шпанија. Со повеќе од 10 години искуство во пишување и имплементација на проекти од поголем обем, Марија е еден од водечките професионалци во областа на проектниот менаџмент и развојот на граѓанскиот сектор.

Нејзината кариера започнува 2009 година како помлад соработник на проект за политичко позиционирање, а од 2018 година работи во Центарот за развој на Југоисточниот плански регион (ЦРЈИП), активно придонесувајќи за прекугранични проекти за регионален развој. Во моментов, таа ја врши функцијата Координатор за имплементација на проекти и Координатор на Регионалната канцеларија за социјално претприемништво, каде што се залага за позитивни социјални промени и унапредување на социјалната инклузија.

Марија е сертифициран младински работник, со големо искуство во поддршка на младински иницијативи и поттикнување на младински активизам. Таа е активно вклучена во бројни граѓански организации на локално и национално ниво, работи како истражувач, тренер, модератор и фасилитатор и има посебна страст за развојот на младинските политики. Марија е еден од основачите на БЕТА Македонија и член на Извршниот одбор на Центарот за истражување и анализи НОВУС.

Таа има работено и учествувано на бројни Еразмус+ проекти, како и во иницијативи кои се фокусирани на демократијата, меѓународниот дијалог и евроатлантски вредности. Марија е Амбасадор на Европската мрежа за младинска демократија (EDYN) и во 2023 година ја извршуваше функцијата Потпретседател на EDYN мрежата, што ја потврдува нејзината посветеност на развојот на младинските политики, како и на меѓународната соработка за унапредување на демократските процеси и младинскиот активизам. 

Со повеќе од една декада професионално искуство и посветеност на младите и социјалниот развој, Марија продолжува да влијае на позитивни промени во локалните заедници, на регионално и меѓународно ниво.