Повик за учесници – Академија за Зелени Вештини

Центарот за истражување и анализа НОВУС објавува повик за учество на Академијата за Зелени Вештини, тридневна обука наменета за млади од Струмичкиот регион кои се заинтересирани за теми поврзани со одржлив развој, заштита на животната средина и зелено претприемништво.

Датум: 20 – 22 ноември 2024 година
Локација: Простории на ЦИА НОВУС, Струмица
Целна група: Млади на возраст од 15 до 34 години од Струмичкиот регион

Оваа програма има за цел да им обезбеди на учесниците конкретни знаења и алатки за активно дејствување во областа на одржливоста, преку соработка со експерти и вклучување во интерактивни едукативни сесии.

Програмата опфаќа теми како:

• Одржливи животни практики и намалување на отпад
• Еко-претприемништво и развој на зелени бизнис идеи
• Проектирање и имплементација на активности за заштита на природата и климатски акции
• Развивање на лидерски и застапувачки вештини во контекст на одржливи иницијативи

Не пропуштајте ја можноста да станете дел од новата генерација зелени лидери и да придонесете кон одржлива и еколошки одговорна заедница.

Академијата за Зелени Вештини се реализира во рамки на иницијативата „Skills Uprise: Connecting Youth to Opportunities!“, поддржана од USAID North Macedonia преку Youth Actively Create Opportunities.