Караван на „Изборен Навигатор“ низ четирите плански региони

Во рамки на теренските активности, беше реализиран информативен караван во седум градови низ државата: Струмица, Куманово, Тетово, Прилеп, Гостивар, Радовиш и Битола.

Теренските тимови поставија информативни штандови во централните делови на градовите, каде што граѓаните имаа можност да се информираат за платформата izborennavigator.mk, како и за значењето на информираното гласање. Посетителите беа активно вклучени во дијалози, информирани за изборниот процес и охрабрени да донесуваат одлуки базирани на факти и сопствени убедувања.

Караванот претставуваше директен и транспарентен начин за вклучување на граѓаните, со цел зголемување на нивната информираност, доверба и учество во демократските процеси.