Саем за вработување 2025 – Струмица – Големи можности на едно место

Центарот за истражување и анализи НОВУС ве поканува на најголемиот Саем за вработување во Струмица, кој ќе се одржи на 4 април 2025 година (петок) во Домот на култура „Антон Панов“, од 11:00 до 15:00 часот.

Оваа година саемот ги надминува очекувањата, обединувајќи повеќе од 25 компании од различни индустрии, вклучувајќи и водечки регионални фирми. Ова е единствена можност младите, студентите и сите активни баратели на работа да воспостават директен контакт со потенцијалните работодавачи, да дознаат повеќе за тековни и идни отворени позиции, програми за пракса и можности за професионален развој.

Што ве очекува на саемот?

• Запознавање со водечки компании од областа на ИТ, здравство, логистика, угостителство, финансии, маркетинг и други
• Можност за оставaње CV, директна комуникација со HR тимови и договарање интервјуа
• Информации од прва рака за трендовите на пазарот на труд
• Простор за вмрежување и размена на контакти

Панел дискусии – Искористете ја можноста да слушнете од најдобрите

Покрај изложувачите, посетителите ќе имаат можност да присуствуваат на две инспиративни панел дискусии со успешни професионалци и менаџери кои ќе споделат свои искуства и совети за градење кариера во современиот свет на работа:

Панел 1: Подготвен/а си за кариерен скок или ќе останеш во комфорна зона?

Време: 12:30 часот

• Александра Јадровска – Директор на сектор за човечки ресурси во Колид С
• Митко Андонов – Основач на ЕОН Еден Маркетинг
• Иван Штерјоски – Национален менаџер на проектот YEEP 2 во СОС Детско Село

Панел 2: Ќе учиш од најдобрите или ќе чекаш следна шанса?

Време: веднаш по завршување на првиот панел

• Димитар Мицев – Маркетинг менаџер во Жикол
• Андријана Поповска – Извршен директор на WVP Фонд Менаџмент
• Илија Серафимов – Основач на компанијата Серафимов Груп

Очекувајте динамичен разговор, практични совети, мотивација и одговори на прашања за тоа што денес го бараат компаниите, како се гради кариера и кои се вештините што ги очекуваат од младите.

Компании учеснички на Саемот за вработување 2025:

• KFC
• ЕОН Еден
• Tsar Samuil
• Жикол
• SMX Академија
• Ели Медика
• Алмак
• Globe Logistic
• Arena Playground
• KIND Transport
• Поликлиника Мартини
• Hotel Terma Lux & Spa
• RiverSoft
• Колид С
• WVP Fund Management
• Adient
• Serafimov Group
• Подгорски АН
• Lori Car
• IQ UP!
• ЏОВИ Компани
• Нипром
• Универзитетско студентско собрание – УКИМ
• Македонски Каритас
• Сојуз на средношколци
• Lidl Македонија

Влезот е слободен за сите заинтересирани!
Ова е вашата можност да направите кариерен исчекор, да стекнете корисни информации, да се вмрежите и да направите прв чекор кон вашата следна професионална цел.

Се гледаме на 4 април во Домот на култура „Антон Панов“!