Youth Festival Струмица 2025 – Urban edition

На 10 август 2025 година со почеток од 18:00 часот, Градскиот парк во Струмица ќе биде домаќин на четвртото издание на Youth Festival Струмица – фестивал кој веќе стана препознатлива платформа за младинска култура, активизам и креативност. Под мотото „Urban Edition – Street Style Edition“, овогодинешното издание ги носи најновите урбани трендови, интерактивни зони и уметнички експресии – токму таму каде што младите се среќаваат.

Корнери на фестивалот

Годинава фестивалот ќе понуди целосно интерактивно искуство: преку арт корнери, графити и DIY зони, DJ работилници и игри, младите ќе можат да се изразат, да учат и да се поврзат. Особено атрактивен е арт-корнерот „Express Yourself“, каде ќе се одвиваат графити работилници со Forma Kumanovo, DIY зона за персонализација на облека и предмети, и DJ сетови во живо со DJ Kiskinov.

Преку корнерот “Lucky Shot” фестивалот ќе ги активира посетителите со натпревари и забавни задачи низ паркот, вклучувајќи го и популарното „Пронајди го Рики“.

Младите ќе имаат можност да бидат дел и од медиумскиот и дигитален простор, каде ќе се снима подкаст во живо, ќе се креираат содржини за социјалните мрежи, а посетителите ќе можат да учествуваат во квизови инспирирани од Целите за одржлив развој (SDGs), подготвени во соработка со Обединетите нации.

Фестивалската сцена ќе биде збогатена и со зелен корнер, креативни игри со еколошка порака и многу награди, како и штандови на организациите што ќе понудат информации за младински можности и иницијативи.

За добросостојба на посетителите ќе се погрижи Црвениот крст со освежување и превентивни активности, додека за доза на самодоверба ќе се погрижи Heads Up barber shop со фестивалски make-over.

Посебна Chill зона и дел за храна и пијалаци ќе овозможат момент за одмор и уживање, а вечерната програма ќе го заокружи целиот настан со настапи на DJ Kiskinov, Preku Red, Divizija, DJ Ted Dettman и Mana B2B Mili.

Заследете не на социјални мрежи за дневни новости и повеќе изненадувања:

https://www.facebook.com/profile.php?id=61578556977467

https://www.instagram.com/youthfestival_strumica

Во прилог може да видите целосна програма и мапа од фестивалот:

Фестивалот е организиран од Центар за истражување и анализи НОВУС во партнерство со Europe House, со финансиска поддршка од Обединетите нации (UN). Во програмата се вклучени и соработниците: Црвен Крст Струмица, Heads Up barber shop, Discover Serbia, како и Американ Корнер Штип, кој ќе има свој посебен поп-ап простор.