Повик за Апликации на регистрирани Граѓански Организации за Програмата за Градење Капацитети од проектот ‘RAISE CSOs – Резилиентни и Инклузивни Патишта за Социјално Претприемништво за Младите со локални Граѓански Организации

Проект: RAISE CSOs – Резилиентни и Инклузивни Патишта за Социјално Претприемништво за Младите со локални Граѓански Организации во Северна Македонија

Донатор: Европска Комисија

Давател на субгрантови: Младински Сојуз – Крушево

Вкупен буџет на повикот: 82.850,00 евра (вклучувајќи го ко-финансирањето од апликантите за грантот)

Датум на објавување на повикот: 01.08.2025

Краен рок за поднесување апликации: 05.09.2025 година, до 17:00 часот

Мејл за поднесување на апликациите: info@youthalliance.org.mk

Проектот RAISE CSOs , предводен од Младински Сојуз – Крушево во партнерство со Центар за истражување и анализи НОВУС и Асоцијацијата за истражување, комуникации и развој ПАБЛИК има за цел да го зајакне и подобри капацитетот на локалните граѓанските организации (ГО) во Северна Македонија за промовирање на социјалното претприемништво како алатка за социо-економска интеграција на младите на пазарот на труд во Северна Македонија. Главната компонента на проектот е субгрантовата шема за обезбедување финансиска поддршка на организациите од граѓанското општество во Северна Македонија, чија специфична цел е поддршка на програмите од граѓанското општество за социјални претпријатија предводени од младите.

_________________________________________________________________________________________

ЗА ПОВИКОТ 

Овој повик има за цел да ги поддржи граѓанските организации од Северна Македонија, кои преку нивните активности ќе ги подобрат условите за живот на минимум 1000 млади луѓе, особено од ранливите групи како роми, жени, лица со посебни потреби, долгорочно невработените кои што се далеку од вработување. Има за цел да ги зголеми можностите за економско учество за овие групи, преку поддршка на стапката на опстанок на 30 социјални претпријатија. Проектните идеи се очекува да го зајакнат и подобрат капацитетот на локалните граѓански организации за промовирање на социјалното претприемништво како алатка за социо-економска интеграција на младите во пазарот на труд во Северна Македонија.

Апликантите во апликацијата треба јасно да ги наведат начините на кои планираат да обезбедат одржливост на нивните активности по имплементацијата на проектот. Се охрабрува создавањето локални мрежи и партнерства со различни чинители (локални граѓански организации, партнери во екосистемот, креатори на политики, јавни службеници, бизниси) во таргетираната област во рамките на овој повик, како показател за одржливоста на проектот.

_________________________________________________________________________________________

ФИНАНСИСКА РАСПРЕДЕЛБА

Целокупниот индикативен износ на овој Повик за Апликации изнесува 82.850,00 евра вклучувајќи го ко-финансирањето од апликантите на грантот. Давателот на субгранотвите го задржува правото да не ги додели сите расположливи средства.

Грантовите побарани во овој Повик се подложни на ко-финансирање. 

• Грантот може да покрие максимум 90% од вкупните подобни средства за активностите

Износ на субгрант: Секој грант доделен од овој повик мора да биде во рамки на еден од следните ЛОТ-ови:

ЛОТ 1: Максимален износ: 7,500.00 евра 

Наменет за:

• Организации со годишен буџет под 30,000 евра;

• Локални Граѓански Организации и ново основани организации;

• Субјекти со ограничено претходно искуство во менаџирање проекти финансирани од ЕУ или донатори.

ЛОТ 2: Максимален износ: 10,000.00 евра 

Наменет за:

• Организации со годишен буџет над 30,000 евра;

• Граѓански Органзации со стабилен тим, операциони системи, и искуство во имплементирање на проекти;

• Субјекти со доказ за менаџирање активности кои биле надворешно финансирани или поддржани од донатори.

_________________________________________________________________________________________

ПОДОБНОСТ НА ДЕЈСТВИЈА

Времетраењето на проектот доделен во рамките на овој повик за апликации треба да биде 8 месеци, и притоа активностите мора да се спроведуваат во рамките на територијата на Северна Македонија.

Видови активности: предложените стратегии треба да бидат дизајнирани да ги постигнат целите наведени во овој повик. Тие мора да ги вклучуваат, но не се ограничени на, следниве видови активности:

• Иницијативи кои го поддржуваат социо-економскиот развој на локалните заедници, со посебен акцент на економското зајакнување на младите во целните проектни области.
• Активности кои ги користат знаењата, вештините и традиционалните капацитети на локалните човечки и материјални ресурси за активно менторство и поддршка на основани и активни младински инклузивни социјални претпријатија.
• Интервенции кои промовираат социјална кохезија, инклузивност и посилни врски во и помеѓу заедниците за поддршка на вработувањето на младите и социјалните претпријатија.
• Програми кои ја олеснуваат интеграцијата и ги подобруваат можностите за вработување, особено за маргинализираните младински групи.

_________________________________________________________________________________________

ЦЕЛНА ГРУПА

Да се земе во предвид дека подобна целна група на овој повик се млади луѓе од 15 до 29 години. Учеството на други релевантни чинители кои учествуваат и придонесуваат кон активностите, и сите други групи над 29 години е возможно во согласност со планираните активности, само ако целта на таа активност е во директна согласност со целите на овој Повик.

_________________________________________________________________________________________

Документи кои мора да се пополнат:

• Анекс А: Формулар за Апликација за Грант (Word Формат)
• Анекс Б: Формулар за Предлог-Буџет (Формат Excel) 
• Анекс В: Формулар за Логичка Рамка

Поддржувачките документи поднесени со апликацијата треба да вклучуваат:

• Скенирана потврда за регистрација (во PDF/JPG формат) издадена од страна на релевантна јавна институција
• Статут и Акт за Основање на Граѓанската Организација (во PDF/JPG формат) 
• Скенирана копија од финансиските извештаи од последната  година (2024) потпишани од страна на ревизор или финансиски извештаи побарани од Даночната управа (само за ЛОТ 2)
• Скенирана Изјава на апликантот (во PDF/JPG формат). Изјавата е достапна за печатење во рамките на формуларот за апликација.
• Биографии на клучните членови на проектниот тим, вклучувајќи релевантни квалификации и искуство поврзани со предложените проектни активности (во PDF формат).

За сите детални информации и критериуми, погледнете ги Насоките за Апликантите. Дополнително, сите анекси и документи се прикачени во прилог во форма на zip датотека. Целосната апликација се доставува на следната е-пошта: info@youthalliance.org.mk, најдоцна до 05.09.2025 (Петок) година, до 17:00 часот. Секоја апликација поднесена по крајниот рок автоматски ќе биде одбиена.

Апликантите на кои ќе им бидат потребни дополнителни објаснувања, можат да ги достават своите прашања преку следната мејл адреса: anelija@youthalliance.org.mk , најдоцна 10 дена пред крајниот рок за поднесување на апликациите (26.08.2025). 

Дополнително, ги покануваме сите заинтересирани да се приклучат на Инфо Сесијата која ќе се одржи на 15ти Август 2025 (Петок), од 12:00ч., преку платформата Zoom. Линк за приклучување на сесијата: https://us06web.zoom.us/j/89087016300?pwd=HO3J50aDxNQYIWmjADB20pPdWiCKVa.1 (Meeting ID: 890 8701 6300; Passcode: 572131). 

Во прилог се достапни zip датотеките кои ги содржат Насоките за Апликантите и сите анекси:

Zip 2 датотека за ЛОТ 2.

Zip 1 датотека за ЛОТ 1

Аплицирај