ЈАВЕН ПОВИК за учество во теренско истражување

Центарот за истражување и анализа НОВУС објавува Јавен повик за ангажман на два (2) теренски истражувачи за спроведување на теренско истражување во рамки на проектот „Талентирани, Амбициозни, Активни – ТАА“, кој се спроведува во рамки на проектот „Од несвесни за различностите до трансформативни локални заедници кои ја препознаваат различноста и инклузивната еднаквост“, финансиран од Делегацијата на Европската Унија во РСМ согласно Грант договор (IPAIII/2022/441-800), спроведувано од НСРР, Полио Плус и АДИ.

• Предмет на ангажман

Предмет на овој повик е ангажман на двајца теренски истражувачи за спроведување на вкупно 200 анкети, односно:

· 100 анкети по еден теренски истражувач, во согласност со однапред подготвен прашалник и методологија.

• Опфат на ангажманот

Теренските истражувачи ќе бидат задолжени за:

· Спроведување на анкетирање на терен, согласно утврдениот примерок и инструкции;

· Почитување на етичките стандарди при собирање на податоци;

· Навремена и уредна достава на пополнетите анкетни прашалници.

• Времетраење

Ангажманот ќе се реализира во период Jануари и Фебруари, или до целосно спроведување на предвидениот број анкети.

• Критериуми за избор

Кандидатите треба да ги исполнуваат следните услови:

· Претходно искуство во спроведување теренски истражувања и/или анкетирање;

· Способност за работа на терен и почитување на зададени рокови;

· Комуникациски вештини и одговорност при работа со испитаници.

• Начин на пријавување

Заинтересираните кандидати треба да достават:

· Кратка биографија (CV);

· Изјава за претходно искуство во теренски истражувања (доколку има).

Документите се доставуваат по електронски пат на е-пошта: contact@associationnovus.org.соm назнака: „Пријава за теренски истражувач во рамки на Проектот “„Талентирани, Амбициозни, Активни – ТАА“

• Рок за пријавување

Рокот за доставување на пријавите е до 25.12.2025 година.

• Избор

Изборот на кандидатите ќе се изврши врз основа на исполнување на условите и релевантното претходно искуство, во согласност со интерните процедури на организацијата и правилата на донаторот.

Аплицирај