Новости

НОВУС ги поддржува жените претприемачи!

Доколку си жена која веќе има свој сопствен бизнис или сакаш да започнеш свој бизнис ти нудиме поддршка, инспирација и практични ресурси за да го оствариш својот сон.

Центар за истражување и анализи НОВУС во рамки на проектот EUConnect: Зајакнување на бизнисите за европски успех“, финансиски поддржан од Фондација Отворено Општество, го отвара повикот за учество на Академија за деловни компетенции за жени претприемачи, сопственици на бизниси и менаџери.

Што нудиме:

Циклус на бесплатни предавања од експерт во областа.

Развој на вештини и компетенции во областите на бизнис менаџмент, финансии, маркетинг и управување со човечки ресурси.

Одлична можност за вмрежување со други жени претприемачи.

План на обуката:

3 модули во рок од 2 месеци кои ќе се одвиваат во Струмица, Штип и Велес.

Работни дена: 3 x 2 дена обука.

Дати за обуките:

▶️Тренер на академијата: Јован Сталевски

👉 Јован Сталевски е докажан проектен менаџер, консултант и обучувач специјализиран во полето на претприемништво, маркетинг, кариерен развој и пристап до фондови. Тој има повеќе од 10 години искуство во областа и поседува голем број менаџментски сертификации, меѓу кои ЦЕФЕ (економии засновани на компетенции и формирање на претпријатија) лиценциран тренер и ВРС (вештини за подготвеност за работа) тренер, кои пак, секојдневно ги користи во помогањето на клиентите од профитниот и непрофитниот сектор.
👉 Тој е креатор на поголем број Ерасмус+ проекти и соработува со широка мрежа на бизниси, непрофитни и јавни организации ширум Европа.
Заеднички со проектниот тим, ќе ја води кон остварување, визијата на овој проект да биде стожер на креирањето на поддржувачки и функционален претприемнички систем на Македонија.
🗯️ Јован е дипломиран економист во областа на Маркетинг Менаџментот и негова следна цел е да биде примен на мастер студии за стратешки проектен менаџмент.
Пред овие искуства, тој има интернационално искуство како ЕВС (Европски Волонтерски Сервис) во Франција, каде што работи како едукатор и лидер на младински работни кампови. Со ова искуство тој ја разви способноста и љубовта да работи со луѓе и взаемно да си помагаат со цел личен и професионален развој. Течно зборува Англиски, Француски и Бугарски.